რუსეთმა 48 ავსტრალიელს, მათ შორის თანამდებობის პირებსა და ჟურნალისტებს, ქვეყანაში შესვლა აუკრძალა
გამოქვეყნდა:
რუსეთმა ავსტრალიის 48 მოქალაქე დაასანქცირა. მათ შორის არიან ჟურნალისტები, მუნიციპალიტეტების დეპუტატები და სამხედრო-ინდუსტრიული კომპლექსის კონტრაქტორები. ინფორმაციას რუსეთის საგარეო საქმეთა სამინისტროზე დაყრდნობით კრემლის პროპაგანდისტული მედია ავრცელებს.
„ჩვენს ქვეყანაში შესვლა განუსაზღვრელი ვადით დამატებით 48 ავსტრალიელისთვის აკრძალულია. მათთვის, ვინც ანტირუსულ დღის წესრიგს ქმნიან'' - წერს საგარეო საქმეთა სამინისტროს ვებგვერდი.
როგორც ცნობილია, რუსეთის საგარეო საქმეთა სამინისტრომ ავსტრალიას ამ ნაბიჯით რუსი დიპლომატების დასანქცირებაზე უპასუხა.
