ჩვენ რა უნდა გავაკეთოთ, რუსეთში თუ რამეს გამოძიება მიდის - პაპუაშვილი ქართველ სამხედროებზე
გამოქვეყნდა:
პარლამენტის თავმჯდომარე ამბობს, რომ საქართველოს ხელისუფლება ვერაფერს გააკეთებს იმ ქართველი სამხედროების დასაცავად, რომელთა წინააღმდეგაც რუსეთმა სისხლის სამართლის საქმე აღძრა:
"სანქციებსაც აწესებს, გამოძიებასაც იწყებს. ადამიანები, რომლის წინააღმდეგაც გამოძიებას იწყებს მათი იურისდიქიის ტერიტორიაზე არ იმყოფებიან და ამ მხრივ საფრთხე არ აქვთ, მაგრამ ზოგადად უსამართლო ნაბიჯები რომ იქნება, ამაზე რა მოლოდინი უნდა იყოს.
ჩვენ რა უნდა გავაკეთოთ, რუსეთში თუ რამეს გამოძიება მიდის, თუ რაღაც პროცედურებია, ამ პროცედურებს ჩვენ ვერც ხელს შევუშლით და ვერც ვერაფერი. რუსეთს ოკუპირებული აქვს საქართველოს 2 ტერიტორია და ჩვენ ამ საკითხებითაც ვართ დაკავებული რამდენადაც შეგვიძლია, ამიტომ შეზღუდულია რა თქმა უნდა, ჩვენი შესაძლებლობები რომ გავლენა მოვახდინოთ" ამბობს პაპუაშვილი.
შეგახსენებთ, დღეს ცნობილი გახდა, რომ რუსეთში საქმე აღძრეს უკრაინის მხარეს მებრძოლი უცხოელი ჯარისკაცების წინააღმდეგ, მათ შორის ქართველების. სულ საქმე აღძრულია 160 უცხოელი მებრძოლის წინააღმდეგ, რომელთა ვინაობაც არ კონკრეტდება.
