რუსული საჰაერო კომპანია Azimuth Airlines 5 ივლისიდან მოსკოვიდან საქართველოს მიმართულებით ფრენების სიხშირეს გააორმაგებს, - ამის შესახებ განცხადება კომპანიის პრესსამსახურმა გააკეთა.
"ფრენები ვნუკოვოდან საქართველოს დედაქალაქის მიმართულებით განხორციელდება დღეში ორჯერ. ახლა, ფრენები ყოველ დილას ხორციელდება, 5 ივლისიდან, განრიგში საღამოს რეისებიც გამოჩნდება", - ამბობენ კომპანიაში.
შეგახსენებთ, რომ Azimuth Airlines საქართველოში ფრენები 19 მაისიდან დაიწყო.
