ვინ აღრმავებს პოლარიზაციას და ვინ ცდილობს დეპოლარიზაციას? - პრეზიდენტი VS პრემიერი
გამოქვეყნდა:
ქართული ოცნება ისევ პრეზიდენტის წინააღმდეგ. მმართველი პარტია ამჯერად სალომე ზურაბიშვილის იმ განცხადებამ გააღიზიანა, რომლითაც ქვეყნის მეთაურმა პრემიერ მინისტრი და მისი პოლიტიკური გუნდი პოლარიზაციის გაღვივებაში დაადანაშაულა. კერძოდ - სალომე ზურაბიშვილმა ქართული ოცნების წევრებს სიძულვილის ენა და ხშირ შემთხვევაში საჯაროდ ლანძღვა-გინება დაუწუნა. მმართველი კლანის მთავარ დამცველის როლი ირაკლი კობახიძემ მოირგო, რომელმაც ვერც პრემიერის განცხადებებში დაინახა პოლიტიკური კლასებს შორის დაპირისპირების გაღვივების მცდელობა და ვერც საკუთარი თანაგუნდელებისგან მოსმენილი უცენზურო სიტყვები გაიხსენა.
