ქარელის საკრებულოს ფრაქცია "ქართული ოცნების" თავმჯდომარეს 5 მოადგილე ჰყავს , - ამის შესახებ ინფორმაციას რეგიონული მედია "მოზაიკა" ავრცელებს .
2023 წელს მიღებული დადგენილებით, ცნობილია, რომ ფრაქცია “ქართული ოცნების” თავმჯდომარის მოადგილეების ხელფასებზე ყოველთვიურად 9 680 ლარი იხარჯება.
გამოცემის ცნობით, ზაზა დაბრუნდაშვილი, მამუკა კოკოზაშვილი, ზურაბ ახმედოვი, შოთა ბერუაშვილი და გელა ჭყოიძე ყოველთვიურად, ხელფასის სახით, ბიუჯეტიდან 1 936 ლარს იღებენ. რაც შეეხება ფრაქციის "თავმდჯომარეს", ყარამან როინაშვილის თვიური ანაზღაურება 2 420 ლარია.
ჯამში ქარელის ბიუჯეტს ფრაქცია “ქართული ოცნების” შენახვა თვეში 12 100 ლარი უჯდება.
