5 ივლისი - ჟურნალისტების დარბევიდან 2 წლის შემდეგაც, მთავარი მოძალადეები დაუსჯელები არიან
გამოქვეყნდა:
2 წელი 5 ივლისის სისხლიანი დარბევიდან. მოძალადეები და ორგანიზატორები ისევ დაუსჯელები არიან. კანონმა და სამართალმა რადიკალების შემთხვევაში არ იმუშავა, მიზეზი გასაგებია - ოცნება საკუთარ თავს ვერ დასჯიდა და ციხისთვის ვერც იმ მოძალადეებს გაწირავდა, რომლებიც მისი მოკავშირეები არიან და ახლა მათი საჭიროება გაცილებით უფრო დიდია - წინ 2024 წლის არჩევნებია და ოცნებას ყველაზე მეტად ის დაჯგუფება სჭირდება, რომელიც მედიას, ოპოზიციას, სამოქალაქო საზოგადოებას სადამსჯელო ოპერაციას უწყობს.
52 დაზარალებული ჟურნალისტი და გარდაცვლილი ლექსო ლაშქარავა - ასეთია სისხლიანი 5 ივლისის შედეგი. შინაგან საქმეთა სამინისტრო 2 წლის თავზეც ამტკიცებს, რომ ორგანიზატორების გამოსავლენად თუ დასასჯელად მტკიცებულებები არ ეყოთ. მაგრამ სინამდვილეში გომელაურის უწყებას არ ეყო პოლიტიკური ნება.
