ჯანდაცვის ყოფილი მინისტრი, ეკატერინე ტიკარაძე "საჩხერის სამედიცინო ცენტრის" დირექტორად დაინიშნა. ინფორმაციას bm.ge ავრცელებს, რომელსაც აღნიშნული ტიკარაძემ დაუდასტურა.
ტიკარაძე მინისტრად დანიშვნამდე იკავებდა გენერალური დირექტორის თანამდებობას "საჩხერის რაიონული საავადმყოფოს პოლიკლინიკურ გაერთიანებაში". მან მინისტრის თანამდებობა 2021 წლის ბოლოს დატოვა და წასვლისას განაცხადა, რომ რჩებოდა "ქართულ ოცნების" პარტიაში.
2022 წლის მარტში ტიკარაძე ქუთაისის საერთაშორისო უნივერსიტეტის რექტორის მოადგილედ დაინიშნა.
