თურქეთში ვიზიტის ფარგლებში უკრაინის პრეზიდენტი მსოფლიო პატრიარქ ბართლომეს შეხვდა. ზელენსკიმ მადლობა გადაუხადა მას უკრაინის ურყევი მხარდაჭერისა და რუსული დანაშაულების დაგმობისთვის
"დღეს მნიშვნელოვანი დღეა - ჩვენი ბრძოლა სრულმასშტაბიანი შემოჭრის შემდეგ 500 დღეა გრძელდება. ჩვენ გვაქვს მისი უწმინდესობის მხარდაჭერა, ლოცვები ჩვენი ჯარისკაცებისთვის, ერისთვის, ჩვენი ხალხისთვის, უკრაინაში სიცოცხლისთვის“, - განაცხადა სახელმწიფოს მეთაურმა.
ზელენსკიმ აღნიშნა, რომ შეხვედრაზე განიხილეს უკრაინის მშვიდობის ფორმულა და უკრაინიდან უკანონოდ დეპორტირებული ბავშვების დაბრუნება.
