შინაგან საქმეთა სამინისტრო ამ დრომდე ეძებს პირს, რომელმაც 34 წლის ზაურ სოფრომაძეს სასიკვდილო ჭრილობები მიაყენა. ტყიბულის პოლიციაში მოწმის სახით 5 პირი ჰყავდათ მიყვანილი, თუმცა საგამოძიებო ორგანოდან ყველა მათგანი გამოუშვეს.
მოკლულის ახლობლები დამნაშავის დაუყონებლივ დასჯას მოითხოვენ.
34 წლის ზაურ სოფრომაძე 8 აგვისტოს საკუთარ მანქანაში ჩაცხრილეს. ოჯახს არ აქვს ვერსია, ვის შეიძლებოდა მოეკლა. მათი ინფორმაციით, ზაურ სოფრომაძე ტყიბულში ნათლობაზე იყო წასული. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.