"ვიღებთ სიგნალებს, რომ კონკრეტული ტექსტი განიხილება უკრაინის მონაწილეობის გარეშე" - ზელენსკი ვილნიუსში ჩადის

უკრაინის პრეზიდენტი ვოლოდიმირ ზელენსკი წერს, რომ უკრაინა ვილნიუსში NATO-ს სამიტს დაესწრება.

ზელენსკის ინფორმაციით, NATO სამიტზე უკრაინას ალიანსში გაწევრიანებაზე ოფიციალურ მიწვევას არ გაუგზავნის. უკრაინის პრეზიდენტი ამ გადაწყვეტილებას Twitter-ზე ეხმაურება და პარტნიორებს აკრიტიკებს. 

როგორც ზელენსკი აღნიშნავს, "უპრეცედენტო და აბსურდულია, რომ დროის ჩარჩო არ არის განსაზღვრული არც უკრაინის NATO-ში მიპატიჟებისთვის და არც NATO-ს წევრობისთვის".

"ჩვენ ვაფასებთ ჩვენს მოკავშირეებს. ჩვენ ვაფასებთ ჩვენს საერთო უსაფრთხოებას და ჩვენ ყოველთვის ვაფასებთ ღია საუბრებს. უკრაინა წარმოდგენილი იქნება ნატოს სამიტზე ვილნიუსში, რადგან საქმე პატივისცემას ეხება. მაგრამ პატივისცემას უკრაინაც იმსახურებს. 

ახლა, როდესაც ვილნიუსისკენ მივემართებით, ვიღებთ სიგნალებს, რომ კონკრეტული ტექსტი განიხილება უკრაინის მონაწილეობის გარეშე. 

უპრეცედენტო და აბსურდულია, რომ დროის ჩარჩო არ არის განსაზღვრული არც უკრაინის ნატოში მიპატიჟებისთვის და არც ნატოს წევრობისთვის. ამავე დროს, უკრაინის ნატოში მიწვევისთვისაც კი რაღაც ბუნდოვანი პირობებია გათვალისწინებული. როგორც ჩანს, არ არსებობს მზადყოფნა არც უკრაინის ნატოში მიწვევისთვის და არც მისი ნატოს წევრად ქცევისთვის. 

ეს ნიშნავს, რომ შესაძლებლობის ფანჯარა გამოიყენება იმისთვის, რომ უკრაინის ნატოში წევრობა გამოყენებულ იქნას რუსეთთან ვაჭრობისთვის. რუსეთისთვის კი ეს ნიშნავს მოტივაციას, რომ გააგრძელოს ტერორი. გაურკვევლობა სისუსტეა. მე ამის შესახებ ღიად ვისაუბრებ სამიტზე." წერს ვოლოდიმირ ზელენსკი.

ვილნიუსში ნატოს სამიტი დღეს იწყება.