იაპონია უკრაინას უპილოტო საფრენი აპარატების დეტექტორებს გადასცემს, - ამის შესახებ განცხადება იაპონიის პრემიერმინისტრმა ფუმიო კიშიდან ვილნიუსში მიმდინარე NATO-ს სამიტის დროს გააკეთა.
როგორც კიშიდამ განაცხადა, იაპონია უკრაინისთვის არალეტალური აღჭურვილობის მიწოდებისთვის იმ $30 მილიონ დოლარს გამოიყენებს, რომელიც ქვეყანამ უკრაინის ფონდისთვის გამოყო.
"პარტნიორები, რომლებიც იზიარებენ ფუნდამენტურ ღირებულებებსა და სტრატეგიულ ინტერესებს, კიდევ უნდა გააძლიერონ საკუთარი კავშირები", - ამბობს კიშიდა.
შეგახსენებთ, რომ ვილნიუსში NATO-ს სამიტი მიმდინარეობს, სადაც უკრაინისთვის უსაფრთხოების გარანტიების უზრუნველყოფასა და მხარდაჭერის გაზრდაზე მსჯელობენ.
