მოლდოვის მთავრობა დსთ-ს ფარგლებში ხელმოწერილი სამი დოკუმენტის გაუქმებას აპირებს. ინფორმაციას ადგილობრივი მედია ავრცელებს.
ცნობილია, რომ პირველი შეთანხმება დსთ-ს ქვეყნებში მცირე ბიზნესის მხარდაჭერას ეხება, მეორე - დსთ-ს წევრ სახელმწიფოებთან ერთად ერთიანი საგანმანათლებლო სივრცის ფორმირებას, მესამე კი სასაზღვრო ძალებისთვის სპეცტექნიკისა და სხვა საშუალებების შეღავათიან გადაცემას. აღსანიშნავია, რომ ყველა ჩამოთვლილი შეთანხმება 1990-იან წლებშია გაფორმებული.
როგორც პროექტის ავტორები აცხადებენ, დებულებები ისეთ კონტექსტს შეიცავენ, რაც მოლდოვას ევროკავშირთან ასოცირების შეთანხმებისა და ევროკავშირის კანდიდატის სტატუსის მიღებისგან დააშორებს.
შეგახსენებთ, მოლდოვა დღემდე დსთ-ს წევრია. თუმცა მოსახლეობის 60% NATO-ში გაწევრიანებას უჭერს მხარს.
