დილიდან აფუთფუთდნენ აქაური რუსული მთავრობის მოლაპარაკე თავები, ეტყობა მოსკოვიდან დაურეკეს - მიხეილ სააკაშვილი ევროპარლამენტარების მიმართვაზე
გამოქვეყნდა:
საქართველოს მესამე პრეზიდენტი, მიხეილ სააკაშვილი ევროპარლამენტარების მიმართვას ეხმაურება და მათ მხარდაჭერისთვის მადლობას უხდის.
"უდიდესი მადლობა ევროპარლამენტარებს ამხელა სოლიდარობისთვის.
ნახეთ, დილიდან როგორ აფუთფუთდნენ აქაური რუსული მთავრობის მოლაპარაკე თავები - ეტყობა შეშფოთებულებმა პირდაპირ მოსკოვიდან დაურეკეს.
ვერანაირი რეპრესიები, თუნდაც სიკვდილის საფრთხე, ჩემს ბრძოლას თავისუფლებისთვის, ევროპისთვის, უკრაინის გამარჯვებისთვის, საქართველოს განვითარებისა და წარმატების გზაზე დაბრუნებისთვის ვერ შეაჩერებს!", - წერს მიხეილ სააკაშვილი.
44 ევროპარლამენტარისგან შემდგარი ჯგუფი საქართველოს ხელისუფლებას მესამე პრეზიდენტის, მიხეილ სააკაშვილის ევროკავშირის ერთ-ერთ ქვეყანაში სამკურნალოდ გადაყვანისკენ მოუწოდებს. ევროდეპუტატება განცხადება საქართველოს პრეზიდენტის, პარლამენტის თავმჯდომარისა და პრემიერმინისტრის სახელზე გაავრცელეს.
