სამხრეთ კორეაში წყალდიდობას, სულ მცირე, 7 ადამიანი ემსხვერპლა, რამდენიმე დაშავდა, 3 - უგზო-უკვლოდ დაკარგულად ითვლება. ათასობით პირი კი იძულებული გახდა, რომ საცხოვრებელი დაეტოვებინა.
უხვი ნალექების შედეგად ქვეყანაში მდინარეები კალაპოტიდან გადმოვიდა, რამდენიმე ადგილას ჩამოწვა მეწყერი. სტიქიამ ელექტროგადამცემი ხაზები და საავტომობილო გზები დააზიანა.
BBC-ის ინფორმაციით, მიმდინარეობს სამაშველო სამუშაოები, რომელშიც სამხრეთ კორეის პრემიერმინისტრის თხოვნით, სამხედროებიც არიან ჩართულნი.
