იტალიის 16 ქალაქში რეკორდული სიცხის გამო განგაშის წითელი ნიშნული გამოცხადდა. გაფრთხილებები ვრცელდება ტურისტულ წერტილებზე, მათ შორის რომზე, ფლორენციასა და ბოლონიაზე. იტალიის მთავრობამ წითელი განგაშით დაფარულ რაიონებში ყველას ურჩია, მოერიდონ მზის სხივებს 11:00-დან 18:00 საათამდე.
მომავალ კვირაში ევროპაში კიდევ უფრო მაღალი ტემპერატურაა მოსალოდნელი. ევროპის კოსმოსური სააგენტო (ESA) აცხადებს, რომ რეკორდულ სიცხეს ელოდებიან იტალიაში, ესპანეთში, საფრანგეთში, გერმანიასა და პოლონეთში.
რეკორდული სიცხის გამო პარასკევს აკროპოლისი, საბერძნეთის ყველაზე პოპულარული ტურისტული ატრაქციონი, დაიხურა. ქვეყანაში ასევე არსებობს შიში ტყის ხანძრის რისკის შესახებ, განსაკუთრებით ძლიერი ქარის მქონე რაიონებში.
ჩეხეთის მეტეოროლოგიურმა სამსახურმა განაცხადა, რომ შაბათ-კვირას ტემპერატურამ შესაძლოა 38 გრადუსს გადააჭარბოს, რაც ქვეყნისთვის განსაკუთრებით მაღალია.
