უკრაინა იყო დაინტერესებული, რომ ჩვენ არ მიგვეღო კანდიდატის სტატუსი - ღარიბაშვილის მორიგი რუსული ტყუილი
გამოქვეყნდა:
"უკრაინა იყო ერთ-ერთი დაინტერესებული , რომ ჩვენ არ მიგვეღო კანდიდატის სტატუსი" - პრემიერ ღარიბაშვილის მორიგი თავდასხმა ომში მყოფ ქვეყანაზე. ის ამტკიცებს, რომ ეს ინფორმაცია ევროპელი ლიდერებისგან, დადასტურებულად იცის:
"შარშან უკრაინა იყო ერთ-ერთი დაინტერესებული, რომ ჩვენ არ მიგვეღო კანდიდატის სტატუსი. სამწუხაროდ, ეს რეალობაა. ეს ძალიან ბევრმა ჩვენმა ევროპელმა ლიდერმა დამიდასტურა. ეს არის ძალიან სამწუხარო ფაქტი. უკრაინელ ხალხს მე ძალიან დიდ პატივს ვცემ, ძალიან მიყვარს ეს ხალხი. მინდა, რომ მათ ვუსურვო კიდევ ერთხელ მშვიდობა, ქვეყნის გაერთიანება. მე მაინც მჯერა, რომ ეს კონკრეტული გამოვლინებები და ეს მათი ანგაჟირებულობა არის დროებითი მოვლენა და ძალიან მალე დასრულდება“, - განაცხადა ღარიბაშვილმა.
