გახარიას აქვს რესურსი, შექმნას მნიშვნელოვანი პროცესი - ბესელია "ოცნების" ყოფილ წევრებთან გაერთიანებას არ გამორიცხავს
გამოქვეყნდა:
"ქართული ოცნების" ყოფილი წევრი, ეკა ბესელია არ გამორიცხავს მმართველი პარტიის ყოფილი წევრების, მათ შორის გიორგი გახარიასთან გაერთიანებას.
"მთავარ არხთან" საუბრისას, ეკა ბესელიამ ყოფილ პრემიერმინისტრთან დაკავშირებით თქვა, რომ გახარიას ახალი პროცესის შექმნის რესურსი და გამოცდილება აქვს.
"გიორგი გახარიას უდაოდ აქვს ის რესურსი, რომ მისი გამოცდილებით, თუ თავისის შესაძლებლობებით შექმნას ძალიან მნიშვნელოვანი პროცესი მასთან ერთად და უფრო ფართოდ დავინახავდი ამ კონფიგურაციას. მათ შორის [ყოფილი მინისტრები შეიძლება ვნახოთ] რატომაც არა. ბევრი ძალიან საინტერესო ადამიანი იყო მთავრობაში, რომლის რესურსი გამოსაყენებელია ქვეყნისთვის, განსაკუთრებით ამ მნიშვნელოვან ეტაპზე, როცა ჩვენ ევროპული ოჯახი ძალიან გვჭირდება", - თქვა ეკა ბესელიამ.
კითხვაზე, შესაძლებელია თუ არა ამ გაერთიანებაში ვიხილოთ სხვა ყოფილი პრემიერმინისტრები, ბესელიამ თქვა, რომ გამორიცხული არაფერია.
