უკრაინაში, სუმის ოლქზე რუსეთის საარტილერიო თავდასხმებს დღეს ერთი ადამიანი ემსხვერპლა, დაიჭრა ოთხი. დაზიანდა საცხოვრებელი კორპუსები და სამოქალაქო ინფრასტრუქტურის ობიექტები.
როგორც უკრაინული გამოცემა "უნიანი" წერს, კრასნოპოლის მუნიციპალიტეტის ერთ-ერთ სოფელში 14 აფეთქება დაფიქსირდა.
"წინასწარი ინფორმაციით, დაბომბვის შედეგად ერთი ადამიანი დაიღუპა, ოთხმა კი სხვადასხვა სიმძიმის დაზიანებები მიიღო. დაჭრილები სამედიცინო დაწესებულებაში გადაიყვანეს", - აცხადებს სუმის სამხარეო სამხედრო ადმინისტრაცია.
