წყალდიდობაა კანადაში, პაროვინცია ნოვა შოტლანდიაში. ინფორმაციას BBC ავრცელებს და წერს, რომ სტიქიის შედეგად ასობით ადამიანის ევაკუაცია განხორციელდა, 4 ადამიანი კი ამ დრომდე უგზოუკვლოდ დაკარგულად ითვლება.
ადგილობრივი პოლიციის თქმით, მათ იპოვეს მანქანა, რომელშიც თავდაპირველად ორი ბავშვი იმყოფებოდა, თუმცა ისინი ამ დროისთვის დაკარგულები არიან. სტიქიის შედეგად დაზიანდა რამდენიმე საავტომობილო გზა, 25 ხიდი და საცხოვრებელი სახლები.
მედიის ცნობით, წყალდიდობა ბოლო 50 წლის განმავლობაში ყველაზე კოკისპირულმა წვიმამ გამოიწვია.
