"ეს ჩვენი ერთ-ერთი მიღწევაა"... - უკრაინამ ოფიციალურად დაადასტურა ყირიმის ხიდის აფეთქებაში მონაწილეობა
გამოქვეყნდა:
უკრაინის უსაფრთხოების სამსახურის [SBU] უფროსმა, ვასილი მალიუკმა ოფიციალურად დაადასტურა უკრაინის მონაწილეობა ყირიმის ხიდზე, 2022 წლის ოქტომბერში მომხდარ აფეთქებაში. მისი თქმით, ყირიმის ხიდის დანგრევა უკრაინის უსაფრთხოების სამსახურის სპეცოპერაცია იყო:
„ბევრი სხვადასხვა სპეცოპერაციაა. ზოგიერთ მათგანზე გამარჯვების შემდეგ ვისაუბრებთ, ზოგიერთზე საერთოდ არ ვისაუბრებთ... ყირიმის ხიდის დანგრევა ჩვენი ერთ-ერთი მიღწევაა" თქვა ვასილი მალიუკმა.
შეგახსენებთ, რუსეთის მიერ დროებით ოკუპირებული ყირიმის ხიდზე აფეთქება გასული წლის 8 ოქტომბრის დილას მოხდა.
პუტინის რეჟიმმა, მომხდარს მაშინვე უწოდა "ტერორისტული აქტი" და უკრაინის სპეცსამსახურები დაადანაშაულა.
უკრაინულ მხარეს აფეთქებაში მონაწილეობა დღემდე ოფიციალურად დადასტურებული არ ჰქონდა.
