EU საბერძნეთს ტყის ხანძრებთან საბრძოლველად სახანძრო-სამაშველო ვერტმფრენებს გაუგზავნის
გამოქვეყნდა:
ევროკავშირი სამოქალაქო უსაფრთხოების მექანიზმის ფარგლებში, ტყის ხანძრებთან გასამკლავებლად, საბერძნეთს 2 სახანძრო-სამაშველო ვერტმფრენს გაუგზავნის. ამის შესახებ კრიზისული ვითარებების ევროკომისარმა, იანეზ ლენარჩიჩმა განაცხადა.
"ძლიერ ტყის ხანძრები საბერძნეთში კლავ არ არის კონტროლის ქვეშ. დამატებითი დახმარების სახით, ევროკავშირის სამოქალაქო უსაფრთხოების ფარგლებში, დამატებით ორ სახანძრო-სამაშველო ვერტმფრენს გავგზავნით საფრანგეთიდან, რათა დავეხმაროთ ცეცხლის ჩაქრობაში. ეს არის ევროპული სოლიდარობა საუკეთესო სახით", - განაცხადა ლენარჩიჩმა.
მანამდე ევროკომისიაში განაცხადეს, რომ ბულგარეთი, ხორვატია, კვიპროსი, საფრანგეთი, იტალია, მალტა, პოლონეთი, რუმინეთი, სლოვაკეთი, სერბეთი და საფრანგეთი მონაწილეობენ ევროკავშირის სამოქალაქო დაცვის მექანიზმის განხორციელებაში. საერთო ჯამში, ქვეყნის სხვადასხვა რეგიონში 490-ზე მეტი მეხანძრე და 7 თვითმფრინავი გაიგზავნა.
საბერძნეთში ტყის ხანძრების გამო კუნძულ როდოსის ყველა მუნიციპალურ ერთეულში საგანგებო მდგომარეობაა გამოცხადებული.
