წინასაარჩევნო წლის დაწყებამდე რამდენიმე თვით ადრე ოპოზიცია საბოლოო ფორმას იღებს. ფაქტია, რომ გლობალური გაერთიანებები ამ ეტაპზე გამორიცხულია. ნაციონალური მოძრაობის და სტრატეგია აღმაშენებლის შერწყმის შემდეგ საზოგადოებამ შესაძლოა ნახოს ლელოს, გირჩი მეტი თავისუფლების და დროას შეერთებაც. ოპოზიციის სხვა ლიდერები რაიმე სახით გაერთიანებებს გამორიცხავენ. ექსპერტები ახლა იწყებენ მსჯელობას თუ რამდენად სწორია ოპოზიციის ეს კონფიგურაცია ქართული ოცნების დამარცხებისთვის. მთავარ არგუმენტებს შორის ლიდერების ფაქტორი, წინა არჩევნებზე დაფიქსირებული შედეგები და მმართველი პარტიის შეცდომებია.
