ტაილანდში ფეიერვერკების საწყობი აფეთქდა - დაღუპულია 9 ადამიანი, მათ შორის ბავშვები
გამოქვეყნდა:
ტაილანდში, მალაიზიის საზღვართან ქალაქ სუნგაი კოლოკის ბაზარში ფეიერვერკების საწყობი აფეთქდა. აფეთქების შედეგად სულ მცირე 9 ადამიანი დაიღუპა, მათგან სამი ბავშვია. ინფორმაციას BBC ავრცელებს.
მედიის ინფორმაციით, აფეთქება სამშენებლო სამუშაოებმა გამოიწვია. შემთხვევა ადგილობრივი დროით 15:00 საათზე მოხდა. აფეთქების შედეგად დაახლოებით 115 ადამიანი დაშავდა.
სამაშველო ჯგუფები ტერიტორიას ნანგრევებისგან ასუფთავებენ.
