კრივი-რიჰზე თავდასხმის შედეგად დაღუპულთა რიცხვი 6-მდე გაიზარდა - 1-ლი აგვისტო ქალაქში გლოვის დღედ გამოცხადდა
გამოქვეყნდა:
უკრაინის ქალაქ კრივირიჰში პირველი აგვისტო გლოვის დღედ გამოცხადდა. ქალაქზე ოკუპანტების თავდასხმას 6 ადამიანი, მათ შორის 5 წლის გოგო ემსხვერპლა, 80-ზე მეტი ადამიანი კი დაშავდა.
დაშავებულებიდან 7 ბავშვია. 19 ადამიანი ამ დრომდე კლინიკაში რჩება.
რუსმა სამხედროებმა კრივი-რიჰზე სარაკეტო იერიში 31 ივლისს მიიტანეს. ერთი რუსული რაკეტა უნივერსიტეტის 4-სართულიან შენობას, მეორე კი - საცხოვრებელ კორპუსს მოხვდა.
უკრაინის საჰაერო ძალების ცნობით, რუსეთმა კრივი-რიჰზე შეტევისთვის ბალისტიკური რაკეტები გამოიყენა.
