გასულ ღამეს რუსეთის ძალები უკრაინის დედაქალაქს 10-ზე მეტი დრონით დაესხნენ თავს. კიევის
საქალაქო-სამხედრო ადმინისტრაციის ხელმძღვანელის თქმით, უკრაინელებმა ყველა მათგანი ჩამოაგდეს.
"ყველა საჰაერო სამიზნე - 10-ზე მეტი უპილოტო საფრენი აპარატი - საჰაერო თავდაცვის ძალებმა და საშუალებებმა დროულად აღმოაჩინეს და გაანადგურეს," - განაცხადა სერგეი პოპკომ.
მისი თქმით, დრონების ნამსხვრევები კიევის რამდენიმე რაიონში ჩამოვარდა. დაზიანდა არასაცხოვრებელი შენობა და ტროტუარი. დაშავებულების შესახებ ინფორმაცია არ გავრცელებულა.
