კურსკის ოლქის გუბერნატორ რომან სტაროვოიტის მტკიცებით, რუსეთის საჰაერო თავდაცვამ უკრაინის შეიარაღებული ძალების ორი დრონი ჩამოაგდო, რომელიც ქალაქს უახლოვდებოდა. ინფორმაციას რუსული დამოუკიდებელი მედია "მედუზა" ავრცელებს.
"გუშინ, დაახლოებით, 23:00 საათზე, საჰაერო თავდაცვის ძალებმა კურსკისკენ მიმავალი ორი უკრაინული უპილოტო საფრენი აპარატი ჩამოაგდეს. მადლობა ჩვენს ჯარისკაცებს დაცვისა და პროფესიონალიზმისთვის," - წერს გუბერნატორი Telegram-ზე, თუმცა დამატებით დეტალებზე არ საუბრობს.
აღნიშნულს უკრაინა ჯერჯერობით არ გამოხმაურებია.
