უკრაინის აღმოსავლეთ და სამხრეთ რეგიონებში საჰაერო განგაში გამოცხადდა, აფეთქებების ხმა გაისმა კრივი-რიჰში. ამის შესახებ ინფორმაციას კრივი-რიჰის თავდაცვის საბჭოს ხელმძღვანელი ალექსანდრ ვილკული ავრცელებს.
მისივე ინფორმაციით, საჰაერო განგაში უკრაინის 11 რეგიონსა და ყირიმში გამოცხადდა. როგორც უკრაინული მედია წერს, სარაკეტო თავდასხმის საფრთხე მაღალია. ისინი მოქალაქეებს მოუწოდებენ, არ დატოვონ თავშესაფარი.
