3 000-ზე მეტი ადამიანის ევაკუაცია მოხდა ესპანეთის კუნძულ ტენერიფეზე ტყის ხანძრის გამო
გამოქვეყნდა:
ესპანეთში, კანარის არქიპელაგის კუნძულ ტენერიფეზე გაჩენილი ხანძრის გამო 3 000-ზე მეტი ადამიანის ევაკუაცია მოხდა.
როგორც რეგიონის ხელმძღვანელმა, ფერნანდო კლავიომ ოთხშაბათს განაცხადა, რომ ხანძარი იყო "უკონტროლო", ხუთშაბათს მან არ გამორიცხა, რომ მოხდეს კიდევ უფრო მეტი მოქალაქის ევაკუაცია. ხანძარმა გადაწვა დაახლოებით, 2 600 ჰექტარი ტერიტორია და ქალაქ სანტა კრუზს მიუახლოვდა.
"ეს ალბათ ყველაზე რთული ხანძარია, რომელიც გვქონია კანარის კუნძულებზე ბოლო 40 წლის განმავლობაში", - განუცხადა კლავიომ ჟურნალისტებს.
ხანძრის ქრობის სამუშაოებში ამ დროისთვის 370-ზე მეტი მეხანძრე და 17 სახანძრო თვითმფრინავია ჩართული.
