უკრაინის პრეზიდენტი ვოლოდიმირ ზელენსკი, პირველ ლედისთან, ოლენა ზელენსკასთან ერთად, ნიდერლანდებში ჩავიდა.
როგორც უკრაინის პრეზიდენტის Facebook-ზე გამოქვეყნებულ განცხადებაში ვკითხულობთ, უკრაინული დელეგაცია ნიდერლანდების პრემიერ მარკ რიუტეს შეხვდება და F-16-ების გადაცემის საკითხს განიხილავს.
"მთავარი საკითხია F-16 უკრაინისთვის, რათა დავიცვათ ჩვენი ხალხი რუსული ტერორისგან. ჩვენ უფრო გავძლიერდებით. ასევე, დღის წესრიგშია გლობალური მშვიდობის სამიტი, #PeaceFormula, ტერორისტული სახელმწიფოს მართლმსაჯულების წინაშე წარდგომა," - ვკითხულობთ განცხადებაში.