22 აგვისტოს დილით, რუსმა ოკუპანტებმა დნეპროპეტროვსკის ოლქის ქალაქ კრივი-რიჰზე სარაკეტო იერიში მიიტანეს. თავდასხმის შედეგად ერთი ადამიანი დაშავდა, ასევე დაზიანდა 20 კერძო სახლი.
ინფორმაციას რეგიონული სამხედრო ადმინისტრაციის უფროსი სერჰეი ლისაკი ავრცელებს.
"კრივი-რიჰში გამთენიისას აფეთქებების ხმა გაისმა. მტერმა სარაკეტო შეტევა დაიწყო.
დაშავდა ერთი პირი. დაზიანდა ადგილობრივი მოსახლეობის 20 კერძო სახლი. დაზიანებულია ელექტროგადამცემი ხაზი", - წერს ლისაკი.
