აგრესიული დამშვიდობება ელჩთან. "ქართულმა ოცნებამ" კიდევ ერთხელ და ხმამაღლა თქვა ყველაფერი, რასაც კელი დეგნანზ, ანუ ამერიკის შეერთებულ შტატებზე ფიქრობს. მმართველი პარტიის გაღიზიანების მიზეზი ამჯერად დიპლომატის ბოლო ინტერვიუ გახდა, რომელშიც მან მომავალ არჩევნებზე ისაუბრა და ქართველ ხალხს აქტიურობისკენ მოუწოდა.
ელჩის ამ განცხადების პასუხად დღეს მთელი დღეა ისმის ბრალდებები პოლარიზაციის გაღრმავებასა და რევოლუციური სცენარის ხელშეწყობაში. ოპოზიციურ სპექტრში "ქართული ოცნების" ასეთი მძაფრი თავდასხმა შეაფასეს, როგორც გაფრთხილება და პოლიტიკური საზღვრების დაწესების მცდელობა შეერთებული შტატების მომავალი ელჩისთვის.
