რუსების დაბომბვის შედეგად საპორტო ქალაქ იზმაილში 13 000 ტონა მარცვლეული განადგურდა
გამოქვეყნდა:
რუსეთის მიერ დრონებით დაბომბვის შედეგად დუნაის სანაპიროზე, საპორტო ქალაქ იზმაილში 13 000 ტონა მარცვლეული განადგურდა. Reuters ინფორმაციას უკრაინის ვიცე-პრემიერ ალექსანდრ კუბრაკოვზე დაყრდნობით ავრცელებს, რომელიც ტელეგრამის საკუთარ არხზე წერს, რომ თავდასხმის შედეგად იზმაილის პორტის საექსპორტო პოტენციალი 15%-ით შემცირდა.
"რუსეთი ხორბლისა და სხვა მარცვლეულის საცავებს სისტემატურად ურტყამს, რათა უკრაინული სასოფლო-სამეურნეო პროდუქციის ექსპორტი შეაჩეროს“, - განაცხადა კუბრაკოვმა.
ცნობილია, რომ რუსების თავდასხმა გუშინ ღამით მოხდა და სამი საათის განმავლობაში გრძელდებოდა.
