ევგენი პრიგოჟინი ლიკვიდირებულია. დასავლური წყაროების ინფორმაცია და კრემლის დუმილი ფაქტობრივად უტყუარად ადასტურებს, რომ ვაგნერის დამფუძნებელი პირადად ვლადიმერ პუტინის ბრძანებით, ან მდუმარე თანხმობით ააფეთქეს. სწორედ აფეთქება - ბორტზე ბომბით, ან საზენიტო რაკეტით განიხილება მთავარ ვერსიებად, რომლებმაც პრიგოჟინის კუთვნილი ემბრაერის ტიპის თვითმფრინავის კატასტროფა გამოიწვია.
ამ ღია და თავხედური მკვლელობით კიდევ ერთხელ დადასტურდა კრემლის რეჟიმის სისასტიკე და დაუნდობლობა. ახლა საინტერესოა, რა გავლენას მოახდენს მეამბოხე სარდლის ლიკვიდაცია რუსეთის შიგნით ძალთა გადანაწილებაზე და დაიშლება თუ არა ბელარუსში გადასროლილი ვაგნერის შენაერთები.
