პუტინმა პრიგოჟინის დაჯგუფების წევრებს უბრძანა, რუსეთისადმი ერთგულების ფიცი ოფიციალურად დადონ
გამოქვეყნდა:
რუსეთის პრეზიდენტმა ვლადიმერ პუტინმა პრიგოჟინის სამხედრო დაჯგუფების, "ვაგნერის" წევრებს უბრძანა, ხელი მოაწერონ სახელმწიფოს ერთგულების ფიცს. Reuters-ის ცნობით, ამ განკარგულებას ხელი პუტინმა უკვე მოაწერა.
დოკუმენტში წერია, რომ ყველა, ვინც სამხედროების სახელით უკრაინაში რაიმე ტიპის ქმედებას ახორციელებს, ვალდებულია, რუსეთისადმი ერთგულების ფიცი ოფიციალურად დადოს.
შეგახსენებთ, რომ 23 აგვისტოს რუსეთში ევგენი პრიგოჟინის კუთვნილი თვითმფრინავი ჩამოვარდა. პრიგოჟინის გარდაცვალება ოფიციალურად არ დადასტურებულა, თუმცა ცნობილია, რომ თვითმფრინავის მგზავრებს შორის ისიც იმყოფებოდა. ასევე, ცნობილია, რომ დაღუპულია თვითმფრინავის ბორტზე მყოფი ყველა პირი. ამის შემდეგ, პუტინმა დაღუპულების ოჯახის წევრებს მიუსამძიმრა და პრიგოჟინზე თქვა: "მძიმე ბედის კაცი იყო".
