კიევის ოლქში რუსული სარაკეტო თავდასხმის შედეგად 2 ადამიანი დაშავდა, 10 შენობა კი დაზიანდა.
ინფორმაციას ოლქის ადმინისტრაციის ხელმძღვანელი, რუსლან კრავჩენკო ავრცელებს. მისი განმარტებით, ერთ-ერთ კორპუსს მნიშვნელოვანი დაზიანება აქვს, დანარჩენ შენობებში კი ჩაიმტვრა ფანჯრები, კარები, სახურავი და დაზიანდა ფასადები.
"დაზიანდა ორი მანქანა და სასოფლო-სამეურნეო ტექნიკის შესანახი ანგარი. დაშავდა ორი ადამიანი. ხალხმა დახმარება ადგილზე მიიღო", - თქვა კრავჩენკომ.
