"ოცნებამ" იმპიჩმენტის პროცედურა დაიწყო | საკონსტიტუციოსთვის ხელმოწერების შეგროვება დაწყებულია
გამოქვეყნდა:
პოლიტიკური ვენდეტა სულ უფრო რეალური ხდება - სალომე ზურაბიშვილის იმპიჩმენტის პროცედურა დიდი ენერგიით დაიძრა. იმათთვის, ვინც "ქართული ოცნების" წევრებს შორის სკეპტიკურად უყურებდა პროცესს, პარტიის ლიდერებმა ხმამაღალი განცხადებები გააკეთეს. ჯერ ირაკლი ღარიბაშვილმა და შემდეგ კახა კალაძემ დაადასტურეს, რომ ეს არ არის ხუმრობა და ამ განცხადებებს პარტიული შეკრება და იმპიჩმენტის მოთხოვნაზე ხელმოწერების შეგროვება მოჰყვა.
როგორ გაგრძელდება პროცესი გაურკვეველია - ფაქტია, რომ "ქართული ოცნება" გადადგამს ყველა ნაბიჯს, რომელიც მასზეა დამოკიდებული. და თუ მმართველმა პარტიამ მართული საკონსტიტუციო სასამართლოსგან მხარდაჭერა მიიღო, იმპიჩმენტი შესაძლოა წმინდა ტექნიკურ პროცედურადაც კი იქცეს. მართალია პარლამენტში "ოცნებას" საკმარისი ხმები არ აქვს, მაგრამ უკვე გამოიკვეთა პოლიტიკური ვაჭრობისთვის აქტუალური თემები.
