კრემლის ლიდერის მოთხოვნები დასავლეთს | როგორ ჩაიარა პუტინისა და ერდოღანის შეხვედრამ
გამოქვეყნდა:
ვლადიმერ პუტინი მშვიდობისკან ნაბიჯებს არ დგამს. თურქეთის პრეზიდენტმა დღეს ვერ შეძლო კრემლის ლიდერის დარწმუნება, დაბრუნებოდა ე.წ. მარცვლეულის შეთანხმებას. სოჭში რამდენიმესაათიანი მოლაპარაკებების შემდეგ კრემლის მეთაურმა განაცხადა, რომ უკრაინული ხორბლისთვის საზღვაო გზას მხოლოდ იმ შემთხვევაში გახსნის, თუ დასავლეთი მის მოთხოვნებს დააკმაყოფილებს. უკრაინა და თურქეთი კი ექსპორტისთვის სავარაუდოდ ახალი მარშრუტების ორგანიზებაზე იწყებენ მუშაობას - მთავარ სატრანსპორტო კვანძად უკრაინული ხორბლისთვის შესაძლოა მდინარე დუნაი იქცეს.
