შოვის ტრაგედიის საგამოძიებო კომისიის შექმნა გადაიდო. მთავარი ოპოზიციური პარტია სტრატეგიას ცვლის და კომისიის შესაქმნელად საკმარისი ხმების მობილიზებისთვის იძულებულია გიორგი გახარიას პოლიტიკური გუნდის მოთხოვნას დათანხმდეს. ახალი სქემით კომისიის შექმნაზე მსჯელობა პრემიერმინისტრისა და შინაგან საქმეთა მინისტრის ინტერპელაციის შემდეგ გაგრძელდება. რაც ფაქტობრივად პროცესის ოქტომბრამდე გაჩერებას ნიშნავს. თუმცა დღევანდელ სხდომაზე კომისიის საკითხი არ იყო ყველაზე ხმაურიანი - დეპუტატები ძირითადად ირაკლი ქადაგიშვილის უცენზურო ლექსიკას განიხილავდნენ.
