ბორელთან ბრიფინგის დროს, ღარიბაშვილის განცხადების შინაარსი არის შემდეგი: რუსეთის დავალებით ყველაფერს გავაკეთებთ, რათა არ მივიღოთ კანდიდატის სტატუსი - მიხეილ სააკაშვილი
გამოქვეყნდა:
ღარიბაშვილის მიერ ბორელთან საერთო ბრიფინგის დროს გაკეთებული განცხადების შინაარსი არის შემდეგი: ‘’რუსეთის დავალებით ყველაფერს ვაკეთებთ და გავაკეთებთ, რათა არ მივიღოთ ევროკავშირის კანდიდატის სტატუსი’’ - ასე აფასებს საქართველოს მესამე პრეზიდენტი პრემიერის დღევანდელ განცხადებებს, ევროკავშირის უმაღლეს წარმომადგენელთან გამართულ ერთობლივ ბრიფინგზე.
მიხეილ სააკაშვილი გავრცელებულ განცხადებაში სამძიმარს უცხადებს გურიაში სტიქიის შედეგად დაღუპულთა ოჯახებსაც:
პირველ რიგში, მინდა სამძიმარი გამოვუცხადო გურიაში სტიქიის დროს დაღუპულების ოჯახის წევრებს. ღარიბაშვილის მიერ ბორელთან საერთო ბრიფინგის დროს გაკეთებული განცხადების შინაარსი არის შემდეგი: ‘’რუსეთის დავალებით ყველაფერს ვაკეთებთ და გავაკეთებთ, რათა არ მივიღოთ ევროკავშირის კანდიდატის სტატუსი’’. მიზანი ზუსტად ესაა: მან და მისმა შვილმა კერძო თვითმფრინავით იფრინონ ამერიკულ უნივერსიტეტებში და დანარჩენ ქართველ ახალგაზრდებს ევროპულ უნივერსიტეტებში სწავლის შესაძლებლობა სრულად შეუზღუდოს. ალტერნატივაც უკვე შემოგვთავაზეს - რუსულ უნივერსიტეტებში ქართველებისთვის სწავლა უფასო გახდა." ნათქვამია მიხეილ სააკაშვილის განცხადებაში.
