ღიად ანტიდასავლური განცხადებების ახალი ტალღა. "ქართული ოცნების" ლიდერები იწყებენ რიტორიკას, რომელსაც მხოლოდ ერთი მიზანი შეიძლება ჰქონდეს. ჯერ კახა კალაძე, შემდეგ ირაკლი კობახიძე და უფრო ფრთხილად სხვა ლიდერებიც - ეჭვქვეშ აყენებენ საქართველოს NATO-სთან თანამშრომლობის პერსპექტივას.
მმართველი პარტიის გენერალურმა მდივანმა ყველასთვის მოულოდნელად ფაქტობრივად დააანონსა NATO-ს ღია კარის პოლიტიკაზე შესაძლო უარი. როგორც ჩანს, საქართველოს ხელისუფლება აპირებს ალიანსში წევრობის საკითხი რადიკალურად ხისტად დააყენოს და უარის შემთხვევაში, საერთოდ უარი თქვას დასავლეთის მოკავშირეობაზე.
