"ქართულმა ოცნებამ" ახალი პოლიტიკური სპეცოპერაცია წამოიწყო. ყველასგან ფარულად მმართველი პარტიის რამდენიმე წევრმა მთავრობის ადმინისტრაციის დახურულ კაბინეტში დეოლიგარქიზაციის სამოქმედო გეგმა შეიმუშავა. ხელისუფლებამ პროცესში, რომელიც 12-პუნქტიანი შეთანხმების ნაწილია არ ჩართო ოპოზიცია, რომლის მოთხოვნითაც დეოლიგარქიზაციის კანონის პირველი პროექტი ვენეციის კომისიას გადაეგზავნა. ახლა კი, მოულოდნელად შედგენილი პროექტი ისევ პარლამენტს გადაეგზავნება და შესაძლოა ის კვლავ ოპოზიციის მონაწილეობის გარეშე დაამტკიცონ.
