''თქვენი ურყევი მხარდაჭერა სასიცოცხლოდ მნიშვნელოვანია საქართველოსთვის'' | ზურაბიშვილი ალარ კარისს
გამოქვეყნდა:
''თქვენი ურყევი მხარდაჭერა სასიცოცხლოდ მნიშვნელოვანია საქართველოსთვის'', - ამის შესახებ საქართველოს პრეზიდენტი სალომე ზურაბიშვილი სოციალურ ქსელში ალარ კარისთან შეხვედრის შემდეგ წერს.
''ევროპული კანდიდატის სტატუსის მიმავალ გადამწყვეტ გზაზე, შევხვდი საქართველოს დიდი ხნის მეგობარს და პარტნიორს, ესტონეთის პრეზიდენტ ალარ კარისს. თქვენი ურყევი მხარდაჭერა სასიცოცხლოდ მნიშვნელოვანია საქართველოსთვის'', - წერს სალომე ზურაბიშვილი სოციალურ ქსელში.
ცნობისთვის, სალომე ზურაბიშვილი ევროპელ ლიდერებთან შეხვედრებს აგრძელებს. პრეზიდენტის ადმინისტრაციის ცნობით, პრეზიდენტი ასევე შეხვდება ლატვიისა და ლიეტუვას პრეზიდენტებს.
