ახალი დაპირისპირება ევროკავშირთან - პრეზიდენტის იმპიჩმენტის კრიტიკის გამო EU-ს ელჩს "ოცნება" თავს ესხმის
გამოქვეყნდა:
ახალი დაპირისპირება ევროკავშირთან პრეზიდენტის იმპიჩმენტის გამო. ელჩ ჰერჩინსკის განცხადება ქართულ ოცნებაში როგორც ყოველთვის კრიტიკად და არა მეგობრულ რეკომენდაციად მიიღეს. ევროპელი დიპლომატის სიტყვებმა, რომ სალომე ზურაბიშვილის გადაყენების მცდელობა არის უდროო, მმართველ პარტიაში მწვავე რეაქცია გამოიწვია. პარტიის თავმჯდომარე, პარლამენტის თავმჯდომარე და სხვა დეპუტატები ერთხმად დაესხნენ თავს დიპლომატს და ქვეყნის საშინაო საქმეებში ჩარევაში დაადანაშაულეს. ქართული ოცნების მუქარა იქამდეც კი მივიდა, რომ სტატუსის ჩაგდების შემთხვევაში, ივანიშვილის კლანი, ევროპასთან ურთიერთობის უკიდურესად გაუარესებასაც არ გამორიცხავს.
