ცვლილებები პარლამენტის მიერ თანამდებობის პირების იმპიჩმენტის, არჩევისა და გათავისუფლების წესში - კენჭისყრა ფარულის ნაცვლად, შესაძლოა ღია იყოს
გამოქვეყნდა:
პარლამენტის მიერ თანამდებობის პირების თანამდებობაზე არჩევისა და თანამდებობიდან გათავისუფლების თაობაზე გადაწყვეტილების მიღება, ფარული კენჭისყრის ნაცვლად, ღია კენჭისყრით მოხდება.
შესაბამისი ცვლილებები რეგლამენტში შედის. ახალი ცვლილებებით, ღია კენჭისყრის წესი, მათ შორის, თანამდებობის პირის იმპიჩმენტის წესით გადაყენების საკითხზე კენჭისყრის შემთხვევებზეც გავრცელდება.
ცვლილებებით კონკრეტდება, რომ კენჭისყრისას ფარულობის წესი მხოლოდ პარლამენტის თავმჯდომარის არჩევის შემთხვევაში შენარჩუნდება, რადგან, კონსტიტუციით, მისი არჩევა ფარული კენჭისყრით უნდა მოხდეს.
„ქართული ოცნება“, რომელიც ცვლილებების ინიციატორია, განმარტავს, რომ ახალი წესი პარლამენტის მიერ გადაწყვეტილების მიღების პროცესს გამჭვირვალეს გახდის.
რეგლამენტში დაგეგმილი ცვლილებები პარლამენტის ბიუროს 9 ოქტომბრის სხდომაზე წარედგინება.
