საფრანგეთი დგას ისრაელის გვერდით, იცავს მის უსაფრთხოებას და მის უფლებას დაიცვას საკუთარი თავი - მაკრონი
გამოქვეყნდა:
საფრანგეთის პრეზიდენტი ემანუელ მაკრონი ისრაელზე თავდასხმის შემდეგ, ქვეყნის პრეზიდენტსა და პრემიერ მინისტრს ესაუბრა და მათ მხარდაჭერა გამოუცხადა. ამის შესახებ მაკრონი Twitter-ში წერს.
''მე ვესაუბრე პრეზიდენტ ჰერცოგს და პრემიერ მინისტრ ნეთანიაჰუს. ვგმობ ღაზას მხრიდან ისრაელზე, მის ჯარისკაცებსა და მოქალაქეებზე თავდასხმებს. საფრანგეთი დგას ისრაელის გვერდით, იცავს მის უსაფრთხოებას და მის უფლებას დაიცვას საკუთარი თავი''. - წერს მაკრონი.
ცნობისთვის, დღეს ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა.
სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
