ჰამასის თავდასხმის შედეგად მოკლულებს მთელ მსოფლიოში გლოვობენ. ტერორისტების პირველი შეტევის სამიზნე ღაზის სექტორთან, უდაბნოში მიმდინარე მუსიკის ფესტივალი იყო, რომელზეც რამდენიმე ათასი ახალგაზრდა, მთელი მსოფლიოდან შეიკრიბა. მათი დიდი ნაწილი ადგილზევე დაიღუპა. არაადამიანური ძალადობის მსხვერპლად იქცნენ უშუალოდ პალესტინური რეგიონის მიმდებარედ, სოფლებში მცხოვრები ოჯახები. ისრაელის არმიის სპეცრაზმელები, რომლებიც ტერიტორიის გაწმენდით არიან დაკავებული დღესაც კი პოულობენ ოჯახებს, რომლებიც ტერორისტებმა მთლიანად, დაუნდობლად დახოცეს.
