ორ საათში ულტიმატუმის ვადა იწურება. ღაზას სექტორში მცხოვრებლების ევაკუაცია ჩვენი დროით ზუსტად 5 საათზე უნდა დასრულდეს, რის შემდეგაც ისრაელი სრულმასშტაბიან სამხედრო ოპერაციას დაიწყებს. ჩრდილოეთ ღაზის დასატოვებლად მოსახლეობას ორი დერეფნის გამოყენება შეეძლება. მანამდე კი ჩატარებული ლოკალური რეიდის დროს სამხედროებმა ტერორისტების მიერ მოკლული ისრაელელთა ცხედრები აღმოაჩინეს. თავდაცვის ძალები ავრცელებენ ინფორმაციას, რომ ლიკვიდირებულია ჰამასის კიდევ ერთი მეთაური, რომელიც ისრაელზე ტერორისტულ თავდასხმას ხელმძღვანელობდა. ე.წ. ნუხბას ქვედანაყოფის ასეულის მეთაური დრონით მიტანილი საჰაერო იერიშის შედეგად მოკლეს.
ავტორი: ნანუკა მაღლაკელიძე
