რუსი დიპლომატი ნიკოლაი კობრინეტსი სტამბოლში გარდაცვლილი იპოვეს. მედიის ინფორმაციით, რუსეთის საგარეო საქმეთა სამინისტროს ევროპული თანამშრომლობის დეპარტამენტის დირექტორი, 61 წლის კობრინეტსი თურქეთში ელჩების შეხვედრისთვის გაემგზავრა, მაგრამ კოლეგების თქმით, შეხვედრაზე არ გამოცხადდა. მასთან ტელეფონით დაკავშირებაც ვერ მოხერხდა, მოგვიანებით კი რუსი დიპლომატის ცხედარი ტაქსიმის რაიონში, სასტუმროს ნომერში, თანამშრომლებმა იპოვეს.
რუსეთის საგარეო საქმეთა სამინისტრომ დაადასტურა კობრინეტის გარდაცვალება, მაგრამ არ დაასახელა მიზეზი. რუსული მედია წერს, რომ მიზეზი სავარაუდოდ გულის შეტევა გახდა.
