პოლონეთის ოპოზიცია კოალიციურ მთავრობას ჩამოაყალიბებს | ცესკომ არჩევნების შედეგები გამოაქვეყნა
გამოქვეყნდა:
პოლონეთის ცენტრალურმა საარჩევნო კომისიამ საპარლამენტო არჩევნების საბოლოო შედეგები გამოაქვეყნა, რამაც დაადასტურა ეგზიტპოლების შედეგები: ოპოზიციური პარტიები საკმარის ხმებს აგროვებენ იმისთვის, რომ მმართველ პარტიას „კანონი და სამართლიანობა“ უმრავლესობა წაართვან და კოალიციური მთავრობა ჩამოაყალიბონ.
არჩევნების საბოლოო შედეგები კი ასეთია:
- კანონი და სამართლიანობა (PiS): 35.4%
- სამოქალაქო კოალიცია (KO): 30.7%
- მესამე გზა: 14.4%
- მარცხენა (ლევიკა): 8.6%
აქტივობა არჩევნებში რეკორდული იყო - კენჭისყრაში მონაწილეობა ამომრჩევლების თითქმის 75%-მა მიიღო და მმართველმა პარტიამ ისევ ყველაზე მეტი ხმა დააგროვა, თუმცა არასაკმარისი იმისთვის, რომ მთავრობის ფორმირება შეძლოს. „კანონი და სამართლიანობა“ პოლონეთს 2015 წლიდან ედგა სათავეში.
