ნაღმის არსებობის შესახებ შეტყობინების გამო ვერსალის სასახლეში კვლავ ევაკუაცია გამოცხადდა. ეს მიმდინარე კვირაში უკვე მესამე შემთხვევაა.
"უსაფრთხოების მიზნით, ვერსალის სასახლე ახორციელებს ვიზიტორების ევაკუაციას", - ნათქვამია სასახლის ადმინისტრაციის გავრცელებულ განცხადებაში.
დღესვე, საფრანგეთის ექვსმა აეროპორტმა მიიღო ანონიმური შეტყობინება ასაფეთქებელი ნივთიერების შესახებ. განგაშის სიგნალი ლილის, ლიონ-ბრონის, ნიცას, ნანტის, ტულუზისა და ბოვეს აეროპორტებში გაისმა.
საფრანგეთში თავდასხმის საფრთხის გამო გაფრთხილებისა და თავდაცვის სისტემის უმაღლესი დონე ამოქმედდა.
